徐濠縈甜讚Eason浪漫
徐濠縈身穿Lanvin jumpsuit偕同身穿Alexander McQueen冷衫的Wyman（黃偉文）出席時裝派對，並與中國時裝Blogger韓火火碰頭。阿徐表示聖誕與女兒同遊日本，今趟主要陪女兒，以食同玩為主，她說：「Wyman都一齊。」
在旁的Wyman插嘴兼玩大踢爆：「我唔知會唔會收到秘密指令，因每次過時過節或大日子，陳奕迅（Eason）陪唔到老婆，都託身邊朋友帶禮物，然後神秘咁送畀佢。」阿徐聞言甜笑地說：「佢（Eason）都可以話浪漫，其實呃我好難，我咁眉精眼企，好難製造驚喜，可能今次會搵包包（指女兒），不過佢守唔到秘密，講真咁多年佢都成功氹到我們。」
阿徐與造型師好友TiTi Kwan在微博中放上互咀相，TiTi更留言笑說：「我一直要求的banker頭，終於能令我像一個男人。」阿徐即回應道：「是你最man的時候。」TiTi再說：「兩雙魚=接吻魚sss！」對於此照片，阿徐透過電話表示與TiTi是好姐妹，前晚大家嬉戲，Eason已睇過張相，所以不擔心被誤會。