曹永廉再為人父諗計賺多啲
除了郭晉安外，曹永廉亦將再為人父，昨日記者致電給他時，他承認太太姜依蘭已有了兩個多月身孕。已育有一子的阿廉坦言今次並非預料之中，心情亦沒有之前那麼緊張，他笑言：「依家嗰個食少咗奶粉，又要努力搵奶粉錢，加上我哋啱啱搬咗屋，所以睇吓有乜辦法搵多啲。」
對於與好友郭晉安同期再為人父，阿廉說：「恭喜佢，嗰陣佢都話想追多個，依家都有好多伴，好似蔡少芬、安仔同黃浩然，我之後同浩然開劇，大家又多咗個話題。」
至於在頒獎禮上透露太太有喜的黃浩然，亦表示已有很多人給他取經，除了吳家樂、阿廉外，現時還有安仔，他很戥安仔開心。問太太是否懷孕三個月？浩然說：「都係嗰啲啦！預產期相信要過農曆新年後，之後我都要開新劇，依家要同老婆預備好多嘢，好似買床仔、奶樽咁。」