碧兒一早收風 嘉良不甘後人
郭晉安榮升第二任爸爸，身邊一班好友都戥他開心，其中與安仔合作拍無綫處境劇《依家有喜》的廖碧兒，得知安仔昨日正式報喜，她說：「之前都知，但唔知性別，其實我家姐都有咗第二胎，係囝囝嚟，自己班朋友生咗成竇，都有同我不時交流湊仔經。（幾時輪到你？）吓！我玩住人哋嗰啲先，唔急。」
至於波友黃智賢亦恭喜安仔，他笑說：「安仔開心到忍唔住講出嚟，一個月前約佢打網球，當時見到歐倩怡，佢哋都冇透露，但都有聽安仔講想生多個，安仔係慈父好錫小朋友，依家咪好囉，可以畀個仔多個伴。」
身在內地拍劇的羅嘉良，為蔡少芬和郭晉安的喜訊興奮不已，他說：「當然恭喜佢哋啦。（你都有計劃生B？）有計劃架，我同老婆會努力架喇！」
蔡少芬：恩典真是美
至於快做媽咪的蔡少芬於微博送上祝福：「哇！恭喜恭喜做第二任父母啦！感謝主！恩典真是美！哈哈哈！」電台主持查小欣亦留言：「郭晉安率先在查篤撐報喜，歐倩怡有咗兩個月，他們快做第二任爸媽了！恭喜！主演依家有喜，果然有喜！」