黃浩然雙喜臨門將為人父
黃浩然成功擊敗其他四位對手，奪得「飛躍進步男藝員」獎，他即場宣布喜訊指快將榮升父親，可謂雙喜臨門：「多謝太太嚟緊為我帶來小生命。呢個係我入行十三年、喺無綫三年半來第一個獎，要多謝好多監製畀機會我，多謝鄭則士同我太太，喺我最艱難時候同我捱過。」黃浩然稱會向曾指他演戲「唔掂」的杜琪峯致謝，笑言會積極搵奶粉錢。
而「飛躍進步女藝員」則由唐詩詠奪得，並在曾志偉和馮淬帆手上拿過獎項，曾志偉搞笑說「阿邦（崔建邦）使唔使過嚟恭喜吓？」唐詩詠帶淚感謝亡母說：「我想將個獎畀我媽咪，以前我做乜都三分鐘熱度，但演戲無。我知你一向好錫我，唔知點解我有句話廿幾年都無同你講，我真係好愛你，希望畀機會我再愛你一次。」唐詩詠會拎個獎去拜媽咪，場面相當感人。
而唐詩詠上台時馮淬帆不慎踩到她的裙腳，致詞時鏡頭一度影住前緋聞男友崔建邦但沒播放出街，崔建邦則全程木無表情。事前崔建邦訪問候選人，但獨欠唐詩詠和李詩韻。