祥仔雯女熱Q冧莊帝后

《萬千星輝頒獎典禮2010》昨晚舉行，最矚目的視帝視后分別是上屆得主大熱門黎耀祥及鄧萃雯，屬演技派的兩人雙雙蟬聯，創下頒獎禮先河，賽前被睇好的陳豪只得豬肉獎，而林峯則連奪兩獎！

無綫年度盛事《萬千星輝頒獎典禮2010》昨晚在將軍澳電視城舉行，共頒發15個獎項，《義海豪情》橫掃主角及配角四大角色獎，另一熱爆劇《公主嫁到》則獲最佳劇集，不至輸晒。視帝及視后，一如本報報道分別由黎耀祥及鄧萃雯冧莊，佘詩曼得「我最喜愛的電視女角色」，人氣極旺的陳豪更只得豬肉獎！

視帝祥仔興奮地高舉獎座，他說：「多謝TVB多年嘅栽培，以為舊年講完一次冇機會，劉醒係我好鍾意嘅角色，我一世都記得！」

雯女冧莊視后獲全場歡呼，但頒獎嘉賓狄龍一度忘記頒獎給她，雯女開心地說：「默默耕耘係有人睇到嘅！多謝上天畀到我黐線嘅特質，先可以做好戲。」雯女致詞不忘感謝上主：「好多人冇機會喺呢個台，好多人默默耕耘、捱更抵夜，拍電視劇好辛苦！多謝主耶穌畀咁多人生經驗我！」她又呼籲大家相信劉醒及九姑娘的一份真愛，看劇之餘要珍惜和平。

梅小青《公主嫁到》奪最佳劇集。

雯女與阿佘同坐一排爭視后，揭曉前先禮後兵。

阿佘度期返港，惜視后大獎擦身而過。

阿佘奪最喜愛女角色

之後祥仔和雯女於後台受訪，兩人興奮地表示齊齊冧莊是創造歷史，十分難得！對於《義》劇失落最佳劇集獎，祥仔說：「台前幕後個個都好努力，不過願賭服輸啦！」問到是否簽約TVB？他說：「冇關係，要睇條件，好多因素！」雯女則表示證明以約換獎的傳言不成立，兩人又指其實尚未有人與他們傾約。

佘詩曼憑昭陽公主獲得「我最喜愛的電視女角色」，她在台上保持笑容說：「好開心！呢個角色都係我最鍾意嘅！仲要多謝一班幕後。」問到失落視后會否失望？她說：「會有少少失望，但唔會唔開心！觀眾鍾意緊要過自己得獎。」她表示不會慶功，因翌日要坐早機。

陳豪只得「最佳專業表現大獎」，令人意外。

林峯題字報答方逸華

至於「我最喜愛的電視男角色」則由無綫愛將林峯爆冷奪得，他同時獲頒「tvb.com人氣大獎」，問到是否因方逸華的十二真言起作用？林峯說：「咁要逐隻字計喎！（再攞獎？）好滿意喇！已經超出預期！」他又表示會送上題字的演唱會DVD給方小姐，問到是否寫上「無言感激」？他說：「類似啦！（怕多是非？）一向好多聲音。」大熱陳豪只奪得最佳專業表現大獎，他笑言冇失望，專業是搞笑及整咖啡，不過他在台上已戲言「男主角獎凍過水」，網友更鼓譟認為是豬肉獎！

吳君如頒男主角時大搞氣氛，未睇賽果已直接宣布由祥仔奪得，並指黃日華想講的是「Totally Very Best」。至於黃日華雖然入圍視帝五強，但昨晚他堅持No Show，明顯與無綫未破冰。