蔡少芬佗B嘴刁狂吔咖喱
蔡少芬（Ada）老公張晉日前高調宣布太太懷孕，昨晚兩人恩愛出席地產活動，同場還有朱玲玲。腳踏3吋高跟鞋的Ada精神飽滿，更獲老公寸步不離照顧。問到Ada有否出現孕婦嘔吐的徵狀，她謂：「冇咩嘔，係胃口有啲怪，聞到打邊爐同油炸嘢會嘔，又鍾意食咖喱，有時半夜三更想食，不過老公話閂晒門唔知去邊度搵。」
踢爆老公有喊
有指兩人起初得悉有BB，興奮得攬作一團哭泣，Ada即玩踢爆，指老公的確有哭，當老公知道驗孕結果後，更有意騙她沒有懷孕。問到現時懷有幾多個月身孕？Ada謂︰「唔講，（怕畀人捕你生仔？）係，知道你循例要問，咁我都循例答多謝關心啦！（話你忍痛佗B，心情狂躁？）其實啲相係幾年前，都停藥成年，食藥都係因為脊椎痛，（對BB有影響？）話唔定仲好呢，軟化脊椎。」
5助理貼身照顧
而正忙於內地拍劇的Ada，透露預計下月便完成拍攝，之後便停工養胎，更笑謂：「冇理由大住肚開工，如果老公畀都想繼續演戲。」為了照顧太太飲食，張晉特別請了5位助理貼身照顧，更指現時分別於香港、北京及重慶三地有物業，待BB出世後也會三地輪流居住。
談到今晚舉行的台慶頒獎禮，問到其心水視帝視后，Ada謂：「佘詩曼唔錯，鄧萃雯都幾好，陳豪唔錯，黎耀祥都幾好。」場面惹笑。
文：影視組