羅仲謙管接管送呵番定驚
傅穎（Theresa）緋聞男友羅仲謙昨晚現身電影《婚前試愛》活動，他大方表示已跟Theresa通電，問他會否保護對方？他說：「會去了解，知道報咗警，依家交畀警方處理，佢應該冇嚇親，但係第一次受惡意性騷擾，都會去探吓佢，正常探啦，唔會特別做啲咩。」羅仲謙透露每個月亦會探訪Theresa一次，至於會否為緋聞女友管接管送？他說：「公司有同事陪佢喇，但都擔心佢，因為騷擾嘅人都好近佢，之前拍戲，夜晚都會送佢返去，依家公司有車唔需要啦，不過呢排係敏感時間，平時食飯都會送佢，安全啲。」
另外，其他藝人亦於Theresa微博上留言表示關心，台灣女星吳佩慈說：「報警，並且搬家。」前Freeze成員陳樂榣亦以英文拼音勸她盡快報警。