嘉欣風騷晒Cup：自己都唔慣
向來身材瘦削的李嘉欣，昨日自爆懷孕後上圍不斷升Cup，大得連廣告客戶也要叫停，就連工作酬勞也跟上圍一樣升級，但卻指母親嫌她工作多，並下令不准他們聖誕外遊以保孫兒健康，嚇得女婿許晉亨立即取消行程，做個尊重外母的好女婿。
李嘉欣、吳君如、陳可辛及古天樂昨晚於中環皇后像廣場，出席「全港最高戶外水晶聖誕樹」亮燈儀式，身為旅發局大使的古天樂及吳君如所拍的宣傳香港短片更即場播放。腹大便便的嘉欣以Vera Wang斜膊裙、腳踏三吋高跟鞋現身，步履輕盈。
自言已肥了十多磅的嘉欣，說聖誕節本跟丈夫許晉亨往日本旅行，但遭母親反對。嘉欣說：「媽咪話『如果我個孫有咩事，你哋點賠番畀我？你哋會後悔！』嚇到老公即刻取消行程。（亨亨怕外母？）係尊重。」
亨亨愛妻早睡早起
嘉欣續說聖誕節工作多得令母親也有微言，她笑言：「媽咪想打爛我飯碗呀！（酬勞是否三級跳？）我身形就三級跳！上圍增長得太多，連我自己都唔慣，我冇度咩Cup，對比以前真係太大，連啲客都話唔好再大落去，我自己鍾意冇、細啲。」至於亨亨會否喜歡她現在的身形而想繼續生？嘉欣說：「佢覺得我依家早睡早起，生活習慣健康咗，叫我不如唔好收身，不停生。」
君如豪語嚇窒古仔
另外，主演陳可辛執導《神奇俠侶》的古仔及君如，以電影裏的造型拍攝短片，陳可辛笑言以後旅客來港不再只是見到成龍。古仔慨嘆說已多年單身過聖誕，更言很想跟家人吃聖誕晚餐，因已數月冇食住家飯，而君如即伸手摸古仔臉說瘦得可憐，更笑言和古仔主力宣傳《神》片，其他電影求其宣傳就算，令古仔十分尷尬。
文：名人組