隱瞞頒獎禮改期 蠱惑港台累官恩娜無辜推job
香港電台昨日宣布頒獎禮於明年一月舉行，期間突然轉口風將自設的「傳媒大獎」改名「傳媒推薦大獎」，大有混淆視聽之嫌，歌手官恩娜（Ella）表示港台的確有預留平安夜檔期，更要推job遷就頒獎禮，似乎港台刻意講大話隱瞞頒獎禮改期一事。
港台昨日舉行頒獎禮拉票活動，一眾新人及入圍「全年最佳進步獎」的歌手均有出席，包括Ella、關楚耀、周柏豪、連詩雅、RubberBand、糖兄妹等，「第三十三屆十大中文金曲」大會總監馮偉棠宣布頒獎禮訂於明年一月七日假香港科學園舉行，他跟製作總監周國豐接受訪問時矢口否認曾經講過頒獎禮於平安夜下午舉行，馮偉棠說：「一向頒獎禮前都會mark定歌手一啲期去做宣傳活動，由始至終冇講過幾多號，亦冇講過頒獎禮係24號！24號可能會有個金曲活動，但一切仲未確實。」
變相「傳媒大獎」
雖然馮偉棠矢口否認曾講過平安夜舉行頒獎禮，不過Ella受訪時透露港台的確有預留平安夜檔期，間接踢爆港台講大話，隱瞞頒獎禮改期的事，問到Ella檔期被留起會否影響接騷，她說：「咁頒獎禮緊要啲，之前有個商場騷因為撞頒獎禮而推咗，個客勁嬲，我都覺得唔好意思，不過身為歌手一定要尊重同參加頒獎禮！」
對於新城知訊台台長朱明銳發炮狂轟港台自設「傳媒大獎」一事，馮偉棠澄清正確是「傳媒推薦大獎」，刻意加插「推薦」二字，似乎要避免被轟自打嘴巴，他說：「我哋之前唔作回應係唔想同佢嗌交，我哋冇出蠱惑，傳媒大獎1994年已經有，只係評選機制唔同！」他們透露除了無綫外，超過四十個傳媒答允參與投票，甚至包括早前聲言不參與的新城電台，馮偉棠又暗寸新城每年增加獎項數目，搞到人人有獎攞欠公道。
新城表態唔投票
新城知訊台台長朱明銳其後於電台接受訪問，他堅稱從未收過港台發信邀請參與投票，他說：「黐線，我冇收過、冇簽過亦唔會參加，（擔心被指不夠團結？）唔使團結，最緊要係為樂壇出力，每個頒獎禮各有特色，唔好攬埋其他人落水，好似扮代表咁，（話新城太多獎？）呢個係我哋特色，只係怕有人話我哋分豬肉，獎項只係鼓勵歌手。」
採訪：音樂組