狀態大勇 唔慣被圍 維他：believe會贏
來自韃靼斯坦的H維他‧芝寶絲娃，模特兒出身的她身高六呎一吋，三圍：35.5、25、37，身形索爆，她昨日在合肥與其他佳麗拍泳裝外景時，狀態大勇，現場所見可算是最煞食一人，惟因有太多人圍觀，令到維他感到有點「not comfortable」（唔多舒服）。
維他之前的工作是模特兒，因工作關係，經常要人前着泳衣，故當眾展露體態其實都不會介意，惟昨日身處巿區，又被巿民圍觀令她有點不慣：「之前做嘢都試過戶外着泳衣，但今次就有啲not comfortable。（食物方面習慣嗎？）大會安排OK呀，我鍾意食橙。（同工作人員熟絡後提升狀態？）係，對大會更有信心，自己亦多咗信心。（會贏？）I believe，I hope！」