纖與纖尋：李蘊火速搣甩拜拜肉
女歌手李蘊（Renee）年紀輕輕已經非常注重身體健康，對於修身排毒更有一套獨特理論：「少食零食同多做運動都有助修身，我知道女仔特別鍾意食零食，但薯片同糖果唔只多鹽又多糖，都係瘦身大忌，所以我會食梳打餅代替，既飽肚又有營養，另外一個橙可以當午餐，既高纖又低卡，好啱做正餐！」
除了飲食，Renee原來對一些針對性的修身動作亦甚有研究，她即時透露修四肢方法：「其實跑步係好好嘅修身運動，但係日子耐會令小腿變粗，所以我會多做一啲動作如踢腿，可以幫助收緊全腿肌肉。」另外，手臂贅肉同為女士們的天敵，Renee更有獨門秘技，有助速殺贅肉。她說：「沖完涼最啱做扭手臂動作，對消除水腫好有幫助！」
李蘊瘦身五法：
梳打餅代替零食。
以鮮橙作午餐。
緩步跑。
左右踢腿動作。
洗澡後扭動手腳贅肉。
