胡定欣有信心爭最佳女配角
胡定欣昨日為無綫節目《新派煮意》錄影。閒來愛下廚的定欣，最叻是煲花膠湯，她覺得女士要補充骨膠原：「飲得多可以靚啲。（有冇煮過好餸畀以前啲男朋友食？）冇呀，用『我啲』男朋友，講到我好似好多咁，咁真係要學多啲款式。（煮過畀馬國明食？）冇呀！」
憑《刑警》角逐台慶最佳女配角的定欣，雖然《刑》因黃日華鬧爆無綫備受注目，但之前缺宣傳而被忽略，定欣對爭獎仍有信心。問到面對角逐女配角的影后級人馬惠英紅可有壓力？她說：「我都有睇小紅姐套《鐵馬尋橋》，佢係前輩好有實力，但我哋套《刑警》近台慶播，希望有啲幫助，觀眾易記得而投我一票。」