連勝文遭槍擊 緋聞女友反應各異 嘉玲震驚難過陣腳大亂

前國民黨主席連戰長子兼國民黨中常委的連勝文，前晚在台灣為黨籍新北市議員候選人站台拉票時，突遭槍手槍擊，交遊廣闊的連勝文，與香港娛樂圈及社交界關係密切，故突襲一事震驚港台圈中人。

周汶錡拒慰問

現已育有兩子的連勝文於06年結婚，之前曾與不少中港台女星如劉嘉玲、名模周汶錡、台灣女星侯佩岑等傳緋聞。其實嘉玲和連勝文關係一直不錯，未受緋聞影響友誼，06年嘉玲父親離世，連勝文送上花圈致哀外，同年年底嘉玲和台灣首富郭台銘，更手拖手出席連勝文在台北舉行的婚宴。前晚突襲消息發布後不久，嘉玲即在微博上寫了「震驚，難過。」相信所指的是好友連勝文被襲一事。另外，據台灣消息透露，當嘉玲得知連勝文被槍擊後，即越洋致電連妻蔡依珊慰問關心，據知連勝文本答允嘉玲邀請，選舉後會親赴上海替嘉玲的夜店任剪綵嘉賓，現在發生意外，未知會否如期前往。

至於周汶錡昨日接受電話訪問，直言跟連勝文已多年沒聯絡，問她會否擔心？她說：「我只希望佢冇事，（致電慰問？）唔會，呢個時候唔應該騷擾佢，相信佢身邊好多人陪住佢，最重要係佢冇事。」

另外，身為已故著名教育家陳樹渠長子的陳燿璋（Anson），和連勝文十分老友，05年更特意到台灣為對方助選，一度被台灣傳媒稱他和連勝文等人為國民黨新「四大公子」。昨日Anson接受電話訪問，表示兩人於97年認識：「大家係好好朋友，佢返台灣後都有保持聯絡，件事發生之後有打畀佢，但可能佢喺深切治療部，唔聽得電話。（聯絡佢家人？）有，佢細佬喺香港工作，我同佢都好熟，有打畀佢。台灣嘅朋友都有探佢，話佢依家情況穩定，真係吉人天相。」

陳燿璋勸退政

Anson坦言稍後會親自到台灣探望連勝文，問到屆時會否以安全理由勸對方退出政壇？他說：「始終佢家族政治地位高，而且國民黨又缺乏三、四十歲咁有政治活力嘅人才，如果佢真係退出，相信對國民黨有一定打擊！不過佢仔細老婆嫩，同佢咁熟，私底下會勸吓！台灣人唔似香港富豪興請保鏢，但相信呢次就算我唔講，佢屋企人都會提出請保鏢啦！」

另外，著名歌手歐陽菲菲和連勝文妻子蔡依珊是好友，當知道突襲消息，歐陽菲菲一家都哭了，更激動表示事件很離譜，令人生氣。

文：名人組