自從梁漢文（Edmond）續約金牌大風，佢位好兄弟張衞健（Dicky）就贈興封佢為：「金牌老油條，簡稱為金油條（甘油條）！」令Edmond不知贈「興」定贈「慶」。
有次咁啱撞見Edmond，佢就大呻話：「多得Dicky封咗呢個新『朵』畀我，叫我做金油條，依家人人見到我，唔叫我做Edmond，叫我做『金油條』，真係好多謝佢囉！」問Edmond係咪嬲？Edmond笑笑口話：「唔係嬲，但為咗多謝佢改咗個咁好嘅名畀我，我打算買晒全港嘅甘油條，再送去佢屋企，用甘油條炸爆佢間豪宅呀！」
