徐淑敏性感撐場預咗白做
徐淑敏（Suki）、敖嘉年昨晚擔任二手名牌店的活動嘉賓，更分別於近十萬元的名牌手袋上自創圖畫，愛袋如命的Suki畫時大為心痛而o依嘩鬼叫。作為愛袋之人，她笑言會大掃貨，將酬勞回饋該店。
曾經是「咪神」的Suki，做了媽媽後於今年無綫台慶明顯收起性感，不過，昨日她在名牌店活動上卻「賣大包」，盛裝出現，她解釋因是次活動自己是焦點所致。她說：「呢條裙幾貴架，本應想台慶着，但嗰晚咁多人，怕冇人留意到，所以我就留番今日着。」
今次為名牌店做嘉賓，Suki預了酬勞花回店內。因為她是愛袋之人，所以在價值近十萬元的名牌袋上畫圖案實感心痛，她又說：「我已經同家人備案，今日嘅酬勞預咗白做，一陣會用佢哋畀我嘅cash coupon買袋，預計六位數字。（鍾意呢個牌子嘅袋？）都鍾意，我用手袋鍾意畀埋家姐同朋友用，唔獨食，咁會覺得抵啲。」
敖嘉年儲老婆本
同場擔任嘉賓的敖嘉年，則呻窮稱無錢買貴袋送女友，因為要儲老婆本，他說：「Suki結咗婚咋，我仲未結架。（會用cash coupon買袋嗎？）我會睇吓啲錶囉。（留番攞埋台慶「男配角」個獎先獎份大禮畀自己？）隨緣啦，攞獎就要交畀公司同觀眾選擇。」
文：影視組