徐濠縈否認同阿Zing駁火

徐濠縈、江若琳、羽翹、諸葛梓岐等昨日出席一個頒獎禮，因「愛戴論」與王菲御用化妝師阿Zing在微博罵戰的徐濠縈，穿上在微博提及的H&M專人送上門靚裙現身，對一條裙搞出個大頭佛，她說：「阿Zing未必係講緊我！」她解釋在微博只是抒發感受，有專人送衫同時背後自己亦付出很大努力才有這種特權，例如她昨日患病沒時間睇醫生亦要準時開工。認為今次事件是有些唔抵得嘅人和應所致。
徐濠縈相信阿Zing言論非衝她而來。
徐濠縈相信阿Zing言論非衝她而來。

曾稱戶口只得雙位數的江若琳表示，因到內地等密密開工搵人仔已變富貴，問到她現在有多少個零位？她笑笑口說：「唔知，因為交畀媽咪處理！」是否覺得苦盡甘來？她說：「都係！人生經過低潮，先知道搵錢好辛苦！暫時未計劃買樓，但準備學車考車牌。」

江若琳密賺人仔已成小富婆。
  • 江若琳密賺人仔已成小富婆。