Rosanne做潮媽影大肚裸照

Rosanne去年12月跟中英混血牙醫男友Derek婚後不久即造人成功，昨日她挺着巨肚和妹妹現身柴灣一間影樓為「現代美容中心」拍攝纖體及美容硬照，懷孕三個半月的Rosanne自爆肥了近5磅，但手腳依然纖瘦。

大肚皮若隱若現

Rosanne穿上一襲黃色低胸透視連身長裙，上圍明顯因谷奶而升cup，露出「事業線」，就連巨肚亦在透視裙下若隱若現，百無禁忌的她更腳踏四吋高踭鞋，出入期間要步步為營。

至於Race則穿着Tube-Dress示人，一向擁有豐滿上圍的她昨日卻被家姐的「升胸」比下去，不過Rosanne笑說：「我都怕醜o架，應該遮住嘅地方都遮住，今日係我出道以來露得最多肚嘅一次！」問Rosanne可有想過影大肚照？她即興奮表示：「我想學Demi Moore（狄美摩亞）咁影大肚裸照！（有影過？）老公有幫我影！」至於日後會否一家三口影裸照？Rosanne笑笑口說：「同BB就可以，同老公就唔好喇！」

穿上Tube-Dress的Race，盡顯玲瓏浮凸身材。

Race笑言廣告酬勞佗B家姐佔兩份，她只佔一份。

BB好運帶挈搵銀

雖然BB仍未出世，但就帶挈Rosanne拍廣告搵錢，難怪她說：「BB為我帶來好運，未出世已經識搵錢！」她更希望有廣告商贊助奶粉及尿片，身旁的Race即搶着說：「最好有埋冬蟲草同燕窩！」Rosanne不諱言養一個小孩要四百萬，她說：「要有儲蓄先可以有BB，因為有好多嘢要買，我張list已經寫咗百幾樣嘢！」

採訪：音樂組