吳君如拍賀歲片趕到虛脫

吳君如前晚出席活動時透露近期忙於為賀歲片趕戲，凌晨便要起床，一拍就是十多小時，她說：「依家啲賀歲片都係咁樣趕嘅，鬥多人，晒冷鬥疊馬，對手太強，拍到就嚟虛脫，我都有去探黃百鳴班。（去試探軍情？）我係咁話我部戲好好笑，畀壓力佢哋，黃百鳴話睇吓啦。（咁忙咪無時間湊女囉？）個女有嚟探班，陳可辛返咗嚟，佢幫手睇。個女好識氹人o架，喺我面前就話我No.1，爹哋喺度就話我哋兩個都No.1。」對於有傳陳偉霆向蔡卓妍（阿Sa）求婚，君如就不太相信，她說：「我諗唔會住，因為阿Sa話唔會結住。」