阿倫救藝能賣唱解財困
譚詠麟（阿倫）昨晚以老闆身份出席「藝能集團二十五周年」晚宴，他透露成立藝能時遇上大財團閂水喉，為了「撲水」被迫舉行演唱會解財困；而有份出席的克勤被問到會否入股？他即說：「唔啱，我啱湊仔。」
譚詠麟有份投資的藝能集團為慶祝二十五周年，昨晚假九展筵開127席慶祝，有近百藝人出席，包括曾志偉、陳百祥、李克勤、黃伊汶、陳志雲、溫拿、鄺美雲及江若琳等，身為老闆的阿倫偕母親出席，他透露晚宴中有過百萬獎金及獎品，問到會否自掏腰包加碼？他笑說：「公司嘢咪又係我嘅錢。」
阿倫自爆當年成立藝能時遇上阻滯，他說：「突然個大財團抽頭，因為當時簽咗好多幕後人，焗住要開演唱會。（挽救藝能？）唔可以話挽救。」有指張國忠即將退休，阿倫否認說：「冇啲咁嘅事。」而克勤透露與藝能合作超過二十年，問到現時是否仍與藝能有合約？克勤說：「有，依家做到有冇合約都冇分別，感覺兄弟班。」問到有否考慮入股？他說：「唔啱，我啱湊仔。」
圓江若琳個唱夢
陳百祥否認是藝能其中一位股東，他說：「要澄清25年嚟嘅誤會，我少少股份都冇。」隨即開玩笑直指阿倫唔夠老友，他說：「佢知搞演唱會有錢賺就唔受我玩，我叫佢分啲股份畀我都唔肯。」近年轉攻內地的江若琳說：「今晚一定要支持，因為之前處女個唱係藝能完成我嘅夢想。」
採訪：音樂組