溫碧霞唔做少奶奶影壇發圍
婚後不甘心養尊處優，待在家中做少奶奶的溫碧霞（Irene），直言相信自己在事業上仍會遇到很多機會，堅信燦爛的人生是掌握在自己手上。
溫碧霞結婚十年，在很多人眼中絕對有條件做少奶奶享福，但她偏偏樂於繼續打拚，多年來拍電影、拍電視、出唱片，從不偷懶，只是最近為了照顧養子何國倫，才有意減少返內地拍電視劇，Irene說：「由細到大我都唔鍾意靠人，鍾意靠自己，鍾意自由自在，有個丈夫對自己好，有個屋企好溫暖當然係好事，但我又唔想攤大手板問人攞錢使，我又enjoy做嘢，又想有個燦爛嘅人生，你畀我日日坐喺屋企真係唔得。」
喜得丈夫支持
Irene坦言能有如此多自由在外工作，全靠丈夫何祖光無限度的支持，早前兩人收養了養子何國倫（Xaver），生活開始有了改變，Irene說：「大家都開心咗，BB變咗屋企焦點，佢一舉一動都好引人注意，佢見到我哋就好開心。」
期待深度演出
為了照顧家人，Irene坦言可以放棄拍劇，但不會從此淡出，她說：「我覺得自己仲有好多機會，我恨攞獎，想拍啲有深度有表演嘅戲，依家睇番以前自己啲作品，覺得當年好勇，完全唔怕醜去演，但完全唔知咩叫演技。」
文：影視組