黃國兆速食電影口碑好
資深影評人黃國兆首次執導電影《酒徒》，得到溫碧霞及張國柱的傾力演出，在內地得到不少好評。黃導演賣花讚花香力讚：「張國柱演活咗酒徒呢個角色，而溫碧霞戲份唔多，但嗰種怨婦嘅深閨寂寞感好突出！」
由於資金有限，導演亦以「速字訣」完成電影的拍攝，他說：「用咗唔使三星期就完成拍攝，不過之前籌備同埋個後期製作就花咗比較長時間。」不過，「速食」電影亦不見得粗製濫造，導演坦言獲得的好評很多：「之前喺北京大學搞首映，已經有成千個學生捧場，睇番內地一個活躍網站，亦得到唔少好評，可以當係一個參考指標。」對於在香港的票房，導演坦言其所承受的壓力不小：「成部戲我都親自參與，所以成敗得失都喺我身上。」
