黃嘉樂留鬚變Man增戲路

今年嘉樂作出幾個大突破，其中包括於內地電影《蔡李佛》飾演奸角，一洗「細路仔」戲路，他說：「之前做得太多細佬嘅角色，今年特登留鬚，早幾個月喺內地拍《蔡李佛》，做第一奸角！」而電影不乏打鬥戲，他場場親身上陣，打到手腫腳腫。另外，他亦首次接演舞台劇，更要唱大戲，從未唱過大戲的他笑言自己真的夠「薑」：「今年真係大膽咗好多，不停叫自己唔好驚、唔好諗咁多嘢，結果真係多咗好多機會！」

當唐詩詠妹妹

雖然事業有突破，但嘉樂的感情仍然一片空白，對於近日跟他屢傳緋聞的唐詩詠，他直言只當對方是妹妹，他說：「我哋拍完《鐵馬尋橋》後就做咗好朋友，成日出嚟食飯，以前對於緋聞呢樣嘢都覺得好煩，依家明白做呢行無可避免，諗深一層，寫你係因為你有新聞價值！」他不太相信日久生情，亦無打算在工作地方跟對手發生感情，對於近日不少藝人公開戀情，他大讚他們勇敢，而他就認為若公開戀情不會影響雙方事業，絕對無傷大雅。

採訪：專案組

攝影：沈健程

髮型：Jove Shek@Hair Corner

服裝：Ronald Yip

場地：Peace Cafe