張建聲煲碟偷師磨練演技
曾參演《囡囡》的影壇新人張建聲（Justin），今年主要工作是拍廣告，由年頭至今已接拍多達三十個廣告，包括Sony相機、政府醫療保險，港鐵、借貸等廣告，他自言這些只是散工，他說：「我好抵用，人工平，所以展望將來可以拍多啲戲。」
Justin自言有空在家，便會煲碟鑽研演技：「我覺得演技可以無師自通，好似張家輝、謝霆鋒、余文樂等，每個人都有自己風格，最重要係有多啲磨練機會。」他更自爆偷師習慣，煲碟時睇到某一個鏡頭會停一停，試吓自己做番個表情、感受吓，相信會對自己有幫助。Justin表示，做了陽光男孩五年，希望嘗試走性格演員路線，最希望挑戰扮演精神病患者。
場地：中環IFC