欣宜撐Jinny做樂壇新人王

欣宜與Jinny原本計劃同月推出處女作，但最終計劃有變。問到可擔心被比較？欣宜說：「唔會有比較，都唔一樣！佢係行靚女路線，一睇我就知賣性格啦！大家唱嘅歌路都唔同。我喺Jinny口中學識咗一句說話『遇強愈強』！」Jinny則言必須對自己有信心，她說：「其實比較唔可怕，因為有比較先會有進步，當中一定有嘢可以學習到。」

拒絕利用亡母

由出世當日已受盡注目的欣宜，在娛圈中可算是身經百戰。欣宜表示早已學懂做好自己，但因太多事未能由她控制。她未有將送給亡母沈殿霞的歌放進處女專輯內，全為證明自己靠實力。欣宜說：「有人會以『利用』去形容，聽到真係好hurt！」相信每個新人初入行會有不習慣的地方，對Jinny來說，面對鏡頭就是最大問題。她說：「依家已經好好多，自己搵方法囉，盡量唔望，扮見唔到咁囉。」

欣宜明白很多事不能控制，做好自己本分最實際。	吳若希事業剛起步，暫時不考慮拍拖。	兩女不怕被外界比較，認為有比較才會進步。

提戀情甜絲絲

談到愛情，年紀輕輕的Jinny說：「依家事業先啱啱開始，短期內都唔諗拍拖。其實愛情都係睇緣分，遇到先算。」欣宜則甜笑說：「呢個我唔方便講，只可以話我好好。」從欣宜的笑容滲透那份甜味，相信答案已在面上找到。

文：音樂組　攝：沈健程

場地：Double Cake

鄭欣宜髮型：Milk Chan@XENTER

吳若希髮型：Kit@CHIN. G　服裝：JFT