林司敏遊韓國錯失良緣

影壇新人林司敏（Ciwi）早前在師姐江若琳的提議下，獨自到韓國旅行數日。她笑言此行有一名韓國靚仔跟她返酒店，惜她太細膽而錯過異地情緣。她說：「有晚半夜我去便利店買嘢，有個男仔撩我講嘢，似係想問我攞電話，佢幾靚仔架！但我冇理佢。之後返到酒店又見到佢，佢想幫我拎嘢，雖然我知佢好心，但真係好驚，於是幫佢撳埋升降機就打發佢走。」
林司敏邊行邊食，結果增磅回歸。
林司敏邊行邊食，結果增磅回歸。

自認是方向白癡的Ciwi此行經常行冤枉路，亦試過帶不夠錢外出。她說：「有次搭的士返酒店，身上得港幣廿幾蚊，我個心跟住個錶一齊跳！最後只係剩番七毫子落車。」

獨自遊韓的林司敏有不少難忘經歷。
  • 獨自遊韓的林司敏有不少難忘經歷。