阿倫Mr.夾band Roll爆樂壇
樂隊Mr.早前憑《如果我是陳奕迅》成功在香港彈起，今年他們獲校長譚詠麟力撐，合作推出廣東及國語合輯《Rolling Power》，銳意進攻華語音樂市場。面對台灣歌手來勢洶洶，他們希望重新帶動廣東歌潮流，令香港樂壇繼續Roll下去。
親手發掘樂隊Mr.的校長譚詠麟，今年有意與其他單位的藝人合作出碟，最終Mr.有幸被「欽點」。成員Dash感激校長支持及信任：「好感激校長畀呢個機會我哋，喺呢個音樂圈好難得互相幫忙。香港樂壇市場已經萎縮緊，不如大家做好啲音樂。既然香港各行各業都做到有咁好成績，咁唱片業可唔可以都有好成績呢？Mr.係新單位，冇資格為樂壇做咩貢獻，只係想keep it roll！」
校長重返溫拿年代
校長笑指新碟分別錄十首廣東歌及十首國語歌，除了照顧珠江三角洲的廣東歌樂迷，亦特別為全中國逾七億的樂迷而打造，因此今次製作比平日付出多十倍努力，校長亦幾乎全程跟到足，由專輯概念到選曲都由他作「檢定」。校長謂：「我同佢哋一齊好似重溫番做溫拿咁，感覺好得意，有番夾band嗰團火。呢次隻碟都好勁，宣傳足成年。不過我五月嗰陣要做自己演唱會嘅嘢，冇得再跟，只可以用e-mail同佢哋溝通。我係總指揮嚟架，仲勁過李家傑，因為計埋自己『生咗』六胞胎！」
文：盧坤穎 攝：謝國華
場地：LKF Hotel
化妝：Kirsty（Mr.）、Alice Lau（譚詠麟）