Marie甜撐胡慧中
息影女星胡慧中和王友良母親合資搞冰乳酪專門店，諸葛梓岐（Marie）擔任嘉賓，同場有日模松崗李那、o靚模組合OctoBeez等。Marie自言嗜甜：「食咗甜嘢心情都好啲。（同男友鬧交後食？）唔係，好少鬧交。」王友良透露Marie將到日本為乳酪健康食品拍攝廣告，明年一月會做碟，更言大家合作愉快，是好朋友。
而胡慧中表示是次投資過百萬元，老公何志平也有打本，更言因有次和十歲的女兒去日本旅行時，見到一間裝修美觀的乳酪店而有開店念頭，「囡囡見到間舖好開心，應承會努力讀書，開舖唔係要佢做啲咩。囡囡大個咗，我可以輕鬆啲，抽身出嚟做嘢。（拍番戲？）老喇我，放過我啦，我依家唔識做戲喇，忘記咗。」