DaDa拋胸搵銀 Liz甘拜下峰
「百果園咪神」陳靜（DaDa）與李莉琳（Liz）日前率領師妹拍廣告，DaDa與鄧伊玲（阿旦）和梁筠兒（Bambi）齊穿小背心騷事業線騷身材，Liz看到此情景亦甘拜下「峰」！
施念慈旗下一眾模特兒日前為護膚品牌「Water2」拍廣告，DaDa、Liz、阿旦、Bambi、王梓如、關莉莎、梁郁霖和蔡瑩瑩分別以小背心及晚裝上陣。當中以DaDa和Bambi最性感，狂谷「事業線」，不過阿旦的領口不夠低，「峰」頭慘遭Bambi和DaDa搶去。
滿意酬勞
今年DaDa工作不斷，收入激增，問到今次廣告酬勞是否平分？她滿意地說：「我自己嗰份好滿意，我唔知人哋嗰份有幾多，唔敢問。最近連開兩部戲，有時要返內地拍，啲皮膚確係差咗，所以經常敷水分mask。」
問到是否「升呢」帶師妹拍廣告？DaDa謙稱：「唔係，唔敢咁講，大師姐係Liz。（賺咁多錢想點用？）想買四、五百萬嘅樓。」Liz則表示：「其實公司個個模特兒style都唔同，要講身材嘅話，我都冇得爭。」
趣事頻生
Bambi、DaDa和阿旦於拍攝期間頻頻發生趣事，例如DaDa拿着大堆護膚產品玩跳高，不過就將產品弄跌，由於她身穿Deep V背心，故不敢烏身拾起，要勞煩其他人執起來。而身穿六吋高跟鞋的阿旦則怕「拗柴」，所以跳極都跳不起來，場面惹笑。
文：專案組 攝影：劉智源