狄易達揀女友首選酒量差
跳舞歌手狄易達日前現身酒吧活動，又跳又唱大搞氣氛，其師兄組合EO2的Eddie及合演舞台劇的楊詩敏（蝦頭）亦有到場支持達仔，向來酒量一般的達仔為與眾同樂亦舉起啤酒與各人飲杯，面紅紅的他說：「平日好少飲酒，都係朋友生日或慶祝場合會飲少少，以前飲一杯就暈低，依家好咗好多喇，最多都係面紅啫！」
達仔又言曾打算練好酒量保護同行女性朋友，不過最後還是選擇放棄，他說：「有問過朋友點先可以好酒量，有啲話要飲得多，有啲又話天生，好似冇乜實質方法。（點保護女友？）我都有諗過，所以如果揀女友都係最好唔鍾意飲酒，如果佢好酒量又顯得我水皮，唔好嘅話我又未必照顧到佢！」