呂慧儀轉攻影壇賺凸

呂慧儀（Konnie）最近成為電影紅人，連接《我愛香港》和《潮性辦公室》兩部電影，收入不俗之餘，還有得免費進修，令她獲益良多。她笑說：「《潮》片係由舞台劇改編，加上係同詹Sir合作，所以開拍前一班女仔要先上演技進修堂，令我有好大啟發。（酬勞理想？）唔知對老闆嚟講係咪皮毛，但對我嚟講，有錢收之餘，仲唔使交學費上堂，賺晒啦！」
Konnie備受力捧，電影工作不絕。
Konnie備受力捧，電影工作不絕。

Konnie一向走性感路線，但拍完《潮》片後，她覺得自己頗有喜劇細胞，現在已成為身邊好友的開心果，她說：「覺得自己搞笑功夫進步咗，更重要係連忍笑功力都加深咗，可能因為睇得太多搞笑場面，某啲笑料只屬小兒科。」而《潮》片亦需要穿泳裝上場，問到如何保持美好身段？她說：「我身材一向都有咁上下，真係上天恩賜。」

呂慧儀自覺搞笑細胞增加不少，經常成為身邊朋友的開心果。
  • 呂慧儀自覺搞笑細胞增加不少，經常成為身邊朋友的開心果。