陳偉霆事業為重否認求婚

陳偉霆昨日在銅鑼灣舉行《尾巴》MV首播會，獲大會送上已故舞王米高積遜的招牌閃爆手套作生日禮物，寓意他能早日躍升為國際舞王級，大會又安排小男孩以陳偉霆在MV內的SM造型現身，小男孩更全程勁Cool扮有型，場面搞笑！

七位數製作MV

MV內陳偉霆被鐵鏈纏頸，又要在雨中跳舞，他表示MV拍攝整整廿四小時，更辛苦到病倒：「因為拍咗落雨部分先，跟住乾番跳，然後又要再濕身跳過，真係拍到病，但係個MV好靚，幾辛苦都值得。我知道呢個時勢好難有個靚MV，不過公司好支持我，用咗近七位數字製作，對我嚟講呢個已經係好大嘅生日禮物。」

小男孩扮陳偉霆在ＭＶ中的Cool爆造型出場，逗得陳偉霆笑不停。

陳偉霆獲大會贈送米高積遜的閃爆手套。

唔阻止朋友整容

有報道指陳偉霆日前與女友蔡卓妍（阿Sa）慶祝生日時，公開表示會養對方一世，更借醉向她跪地求婚，他謂：「我真係要讚個編輯想像力好豐富，我冇飲醉，依家嘅時間表只係得事業。」

對於成都超女王貝進行整容手術期間意外死亡，陳偉霆直言：「聽到覺得好恐怖，要注意安全，始終都有風險，希望佢可以安息。（如果身邊有朋友想整會勸阻？）冇人同我講過，如果係我會尊重佢決定，佢自己都會諗清楚。」

文：音樂組　攝：林楠