學友玩突破攞苦嚟辛

歌神張學友即將展開「１/2世紀演唱會」巡迴，下月底於上海作首站演出，其後會到北京、台灣、新加坡及美加等地演出，單是內地及香港加埋就有五十場之多，而香港站定於明年四月舉行九場，昨日學友為演唱會舉行記招，獲贊助商送上他出生年份一九六一年的香檳。

為演唱會兼任藝術總監的學友，堅持為演唱會保持神秘感：「因為會做啲大家從未睇過嘅嘢，心情仲緊張過第一次做。（有危險動作？）總之係體力挑戰，有啲突破性嘅演出，我都想淨係講幾句謝謝就得，不過同人唔同命，我係牛命攞苦嚟辛！」製作人陳淑芬表示演唱會的尾站仍未確定，但現時檔期已排到明年年底。

在「訂金門」事件，學友力撐陳淑芬。

學友將舉行逾50場的巡迴演唱會。

支持取消聯頒

至於今年取消四台聯頒獎項，學友表示支持：「有啲頒獎禮會唔頒獎畀某啲歌手，但係嗰啲人都仲唱緊歌，我覺得唔應該因為某啲原因，影響咗頒獎禮準則同客觀性。（退步咗？）我覺得反而係進步，唱片公司有堅持係好事。」至於「訂金門」事件，學友直言不信任沈小姐：「佢係陳生陳太嘅學生，如果可以咁對老師，我都唔會信佢，我作為引起件事嘅源頭，唔想再被利用！」

陳淑芬透露他們已向法院對沈小姐提出反控訴。

文：音樂組