李司棋自嘲攞獎未夠班

無綫《萬千星輝頒獎典禮2010》將於十二月五日舉行,除了競爭激烈的「視帝」、「視后」獎項外,當晚還頒發的「萬千光輝演藝大獎」,據知無綫屬意頒給深受觀眾愛戴的李司棋,另無綫亦考慮當晚設環節悼念剛去世的王天林及羅君左。

對於獲頒「萬千光輝演藝大獎」呼聲甚高,司棋姐在電話中哈哈大笑:「你唔好氹我笑啦,冇人同我講喎,係咪頒畀老人家嗰個?咁快畀我,仲有好多前輩,我又冇乜建樹,未夠斤両,太抬舉我喇!」司棋姐坦言很喜歡電視工作,多年來的演出給觀眾有很多回響,已感開心、滿足,再計較其他便不開心了。