祥仔義海無情唔跟添哥執屎

黎耀祥雖被指「劉醒」一角未夠「柴九」突出，但今期《義》劇結局篇，可算是祥仔天下，他一人包辦兩劇分別是《天天天晴》和《義海豪情》兩劇結局而成為主膽人物，於周日晚八至十一時假電視城錄影廠舉行的《天晴．豪情熱滿城》晚會亮相，特別安排八百名觀眾入場同樂。是兩劇主角又集人氣於一身的祥仔，今次得無綫捧到上天，又為他贏「視帝」增添強勢，結局晚會，雯女亦會趕返香港出席。而祥仔對無綫齊播兩劇結局為他造勢力谷「視帝」，問祥仔頂得住嗎？他笑說：「頂得住，只要係公司安排我都照做！」

九姑娘劉醒大團圓

監製李添勝對《義》期望甚大，昨日不惜穿橋益觀眾，二人相隔幾多年重遇？有否結合和是否齊齊終老至死？都是大結局的必睇位，但祥仔則大爆，他在結局中將以「劉醒」的心情唱出《紅蝴蝶》這首襯底歌，祥仔笑稱這個亦是「必睇位」：「我錄咗近兩個鐘，好有feel！（寄望幾點收視？）我都想50點，但收視有佢嘅機制，但好支持添哥去執牛屎！」

由於《義》劇以倒敍播出，第一集便交代「九姑娘」孤單死去，但添哥昨日肉緊表示，「九姑娘」和「劉醒」是大團圓結局，他們將在戰亂後重遇，即使「劉醒」被震傷腦而短暫失憶，但二人在二十、三十年後在廣州重遇，從而結合繼而展開一段「黃昏戀」，不過添哥笑說男的比女早幾年老死，而女的亦含笑而終，至於「劉晴」陳法拉最後因病死去，但亦遺愛人間，其愛人「楊陽」則積極生活，「非凡哥」麥長青則於昨晚一集先死，「排骨」就繼續生活。

上《勁歌》造勢拉票

此外，黎耀祥昨晚亮相《勁歌》造勢，他對於香港電視專業人員協會獲政府資助，明年將搞「亞洲電視大獎」表示：「希望搞得成啦，我都恨攞o架，應該對亞洲市場有幫助，（認受性大過無綫頒獎禮？）當然，咁多個國家參與。」

文：影視組