傅穎遇DaDa唔打底膊贏

有「百果園咪神」之稱的陳靜(DaDa)、傅穎昨日出席活動大鬥性感,DaDa化身低胸賽車女郎,傅穎的露肩tube dress雖然難敵眾人性感,但傅穎外表斯文內裏Open,沒有穿打底褲,幸好無走光!

陳靜(DaDa)、傅穎、洪天明舊愛梁郁霖(Lillian)及徐靖雯等,昨日出席SONY PS3「GT5」首賣活動,DaDa與傅穎更即場試玩賽車遊戲。

拉窗簾防偷拍

而DaDa與Lillian一同穿上性感賽車女郎服,任嘉賓的傅穎亦不輸蝕,穿上貼身tube dress露香肩,雖然相比DaDa及Lillian,傅穎打扮較為輸蝕,不過傅穎原來亦早有準備,她說:「今日條裙好貼,所以我都要收腹,唔想個肚腩凸出來,所以都冇着打底褲,着咗T-back,唔想凸啲邊出嚟!」她更表示不會效法DaDa等人的裝束,她說:「今日呢身打扮對我嚟講已經好性感!」

而DaDa表示正計劃學車,又自爆在政府出招遏樓價的前幾日購入荔枝角一個單位自住,她說:「估唔到買咗幾日政府就推出措施,好彩我係自住唔係炒樓!」至於單位有否「發水」?她說:「咁都冇,OK啦!不過冇海景!」到時會否拉窗簾防偷拍?她說:「係啦!我諗唔見得光!」

文:名人組