「浸大E神」楊梓瑤首部電影《婚前試愛》將於今個聖誕上映，成為同期唯一港片。處女下海拍電影的楊梓瑤坦言覺得有壓力，她說：「估唔到第一部電影可以喺聖誕檔期上映，唔知大家對我嘅演出有咩睇法，我從來都冇諗過有機會拍電影，仲竟然可以喺黃金檔期上映，真係好興奮！」
電影中楊梓瑤不乏性感大膽的場面，被問到拍攝過程會否尷尬？她說：「都唔係好尷尬，因為我對導演葉念琛同對手羅仲謙都好有信心，導演好有耐性，識得點樣令演員放鬆，百分百咁投入角色之中，至於羅仲謙就同我分享好多佢拍戲嘅經驗，加上佢好有風度，拍嗰陣唔會令人唔舒服。」