周秀娜錫身露上唔露下
周秀娜昨日為內衣騷壓軸演繹噴血Bra，不過她卻獲得厚待，不用跟其他模特兒一樣以全套內衣示人，而是以長褲襯Bra上陣，出場三分鐘已穩袋六位數字酬勞，升呢後果然零舍不同。
周秀娜（Chrissie）自走紅後工作不絕，近期片約更是一部接一部，升呢後身價自然今非昔比，就連待遇亦有所不同。昨日Chrissie就為內衣騷擔任模特兒，身任壓軸嘉賓的她以性感Bra配襯黑色貼身長褲出場，大騷誘人事業線，效果令人噴血。但與其他以全套內衣上陣的Model相比，Chrissie明顯比較密實，露肉程度最低，更只出場約三分鐘便即返回後台，加穿背心後才再出來。
大會冇要求全套
問到Chrissie為何只露上不露下，她解釋說：「我今日先至Fitting，因為Size唔啱，所以着長褲，原本係短褲嘅。（做咩唔成套着？）冇講過要着成套，效果好睇咪得囉。（唔好睇喎。）都冇辦法，唔啱身嘛。（係咪要特別啲，唔想同啲Model一樣？）唔關事，我真係臨場先收到衫，其實我自己都有帶短褲嚟，不過同個Bra唔襯。我尋日先喺台灣返。（係咪要高價先請到你行內衣騷？）價錢不嬲都係公司傾嘅。總之酬勞好滿意，人係需要有進步，我希望自己都有進步空間。」而有工作人員就透露Chrissie這次酬勞是五至六位數字。
陳靜攞景大把橋
另外，問到Chrissie今年可會如去年般推出年曆，她就表示因為想不到比去年更好的Idea，既然突破不到所以索性今年不影年曆。
昨日出席另一活動的百果園咪神陳靜（DaDa）對於Chrissie指自己沒有比去年更好的Idea而不影年曆，DaDa說：「吓，好彩我有啫，我今年仲諗到52個添呀，我諗我要諗定下年嘅Idea喇，唔係我驚出唔到呀。其實我都想Chrissie出年曆，百花齊放吖嘛。」
文：名人組