謝安琪硬撐與TVB友好
謝安琪（Kay）昨日穿上傳統韓服出席韓劇《同伊》的收視祝捷會，為劇集唱主題曲的她更落力為劇集宣傳：「我一向會嚴選劇集畀屋企人睇，呢套劇好有意思，我希望囝囝都可以有主角咁善良嘅心，所以我都有畀佢睇。」
另外，對於有傳老公張繼聰將為TVB拍劇，Kay表示不知情：「我哋喺工作上有好大嘅自由度，彼此唔會過問太多。」老公為無綫拍劇，那她與無綫的關係可有望好轉？她不禁笑着反問：「有『家庭分』o架？其實我哋嘅關係都唔係咁惡劣，早幾日我見到樂小姐（樂易玲）都有互相問好，其實呢個只係一個大環境嘅因素影響o架。」Kay又稱只會做好歌手本分，不會干涉公司的政策。