羅霖：燈油火蠟都要錢
羅霖昨日接受電話訪問否認曾向Rain親口道歉，以及從未向對方承認是放料人，且說曾以自己公司名義為Rain聘請助手，卻以私隱為由不允公開有關單據。至於擔任經理人時是否冇替對方接工作，羅霖以時間甚短及不能控制客戶是否取用Rain為由，承認冇替對方接下工作。
對於Rain出於尊重仍照抽佣金給自己，問到會否退回佣金以平息事件，羅霖始終冇正面回應，只說：「我公司都有做嘢，好似佢喺上海拍劇，咁啱我又喺上海，我都有去照顧佢，安排司機接送，同埋佢登台我公司要出文件，燈油火蠟都要錢，唔係抽佣咁簡單。（係咪白收佣金？）唔想再討論落去，總之我有做嘢，我唔想樣樣講得咁仔細。（今次事件會唔會認為自己唔啱做經理人？）總之多謝趙小姐帶我入行。」