劉心悠頻相睇嘆真愛難求

劉心悠、楊采妮、黃浩然、楊崢、Jocelyn等昨日出席Tiffany & Co.在1881 Heritage舉行的聖誕樹亮燈儀式，笑言打扮似聖誕樹的劉心悠着上紅色tube dress性感到場，加上一身Tiffany & Co.鑽飾，十分搶鏡。問她今個聖誕節如何度過，她說：「希望可以返加拿大過白色聖誕，如冇咁長假期就返台灣陪家人過。」至於會否想有個男伴一齊過，她說：「唔想，我一心不能兩用。（屋企人唔想你快啲拍拖咩？）佢哋都急急哋，我唔急囉，佢哋有時都會喺啲家庭聚會上介紹男仔畀我，不過好難識到一個體諒我、明白我嘅人。（圈內人會明白到你？）仲難，冇乜人明白我。」

穿比堅尼影響做戲

劉心悠又謂最希望收到聖誕禮物是去峇里島的機票，過一個熱辣辣的誕聖，在沙灘着比堅尼，問她能否接受拍戲着比堅尼，她說：「要有一段時間畀心裏去接受，自己未試過着咁少，好似冇着衫，驚會影響到做戲。」

模特兒Jocelyn露出一雙長腿，十分迷人！

黃浩然預告想要兔ＢＢ，與身旁仍是單身的劉心悠形成強烈對比。

采妮浩然放長假期

另外，楊采妮及黃浩然均開心表示聖誕有長假期，楊采妮表示每年會與圈外朋友去不同地方，她說：「我哋今年去埃及十日，會影多啲相返嚟，暫時去過嘅地方最特別係希臘，土耳其都好想去。」而黃浩然表示聖誕與朋友及家人過，有一個月假期，會努力造人，希望生個兔仔。

另外，劉心悠被問到南北韓開火？她謂希望世界不要有戰爭，戰事能盡快平息。而楊采妮則謂天災人禍實有傷亡，其實自己真係好渺小，她說：「希望每個人心目中都能夠平靜一啲，少啲憤怒少啲衝突就會少啲戰爭，（唔敢去當地？）咁又唔會因為呢件事唔去韓國。」

文：名人組