傅穎撩羅仲謙聖誕浪漫
傅穎（Theresa）昨日出席活動，為配合聖誕主題，Theresa穿上火紅色的斗篷及熱褲現身。Theresa自稱非常喜歡聖誕節，希望可以過一個白色浪漫聖誕，記者打趣笑她應可以如願，因有緋聞男友羅仲謙相伴，她冧笑說：「我哋各有各忙，（佢冇約你咩？）冇喎，（未約啫！）唔知，（怕敏感呀？）係敏感，但唔驚啦，等人約，我豁出去，日日做宅女，唔想聖誕都做宅女，（謙仔約你呢？）都OKo架。」
爆謙仔將眉染啡
Theresa談到緋聞男友羅仲謙，總是一副甜絲絲，而她最近積極做Gym健胸，被笑指為襯謙仔的40吋胸，她笑說：「邊使襯佢，佢襯我呀。」她自爆謙仔最近將眼眉染啡，並說：「佢話染啡襯番我喎。」每年聖誕節她都會豪花五位數字選購禮物給家人、朋友，她說：「上年都有送畀佢（謙仔），睇到啱嘅都會送。」
狂接商場騷搵銀
另外，Theresa雖然聲帶病患未愈，但今年她接了很多聖誕、除夕倒數的商演，她說：「點都要接，之前已經損失咗好多錢，每個job都有五位數，再咁落去冇飯開，我會照唱，但盡量練到唔傷聲，（怕唔怕失準？）我知大家會focus嗰度，我會盡量做好。」
文：音樂組