廖碧兒激咀安仔趕唔切備案
廖碧兒、郭晉安、米雪之前因拍處境劇缺席台慶夜活動，就連台慶頒獎禮期間也要開工，不過有份提名女主角的米雪則度期中。廖碧兒與安仔劇中有多場激吻戲，她笑言多到趕不切向陳豪備案。
廖碧兒（Bernice）、郭晉安、米雪昨日出席處境劇《依家有喜》宣傳活動，此劇於廿九日首播，一直趕拍中，就連之前台慶，劇中演員都無一出席，安仔說：「有時我哋度期去做嘢都好難，好多見財化水，但冇辦法，之後頒獎禮我就一早度咗期要去馬來西亞剪綵。」
至於米雪於台慶夜見到秦煌、夏雨等落力演出很好看，自己都想參與，至於能否出席頒獎禮仍度期中。
咖啡蒜頭都啱
劇中安仔表示與Bernice有多場激吻戲，問他很久沒拍有否生疏，他笑說：「有呀，都係靠Bernice帶住我。（陳豪有否探班？）佢詐唔知啦！（老婆有冇問？）老婆更加唔會問，我哋感情穩如泰山。」而Bernice坦言已與安仔拍到「習慣」了，她說：「一個禮拜要錫幾次，有幾次都幾激，錫住嚟身體接觸。（有冇壓親安仔？）開頭係佢壓住我，然後到我壓住佢。」問安仔好不好咀？她坦言：「OK！不過出外景佢成日食啲濃味嘢，好似咖喱、蒜頭。（咖啡同蒜頭味揀邊樣？）兩種味都好強烈，呢排蒜頭都OK。（拍前使唔使同陳豪備案？）唔使，呢套劇備唔切o架！」
羅君左捐遺產
而同場的廖安麗表示亡友羅君左的追思會當日，會找師傅及一班佛教朋友替他唸經，她又透露對方生前表示希望死後將遺產捐到慈善機構，但因沒有立平安紙，所以要搵遺產執行人處理。
文：影視組