徐淑敏食詐胡生Ｂ要等吓
徐淑敏昨日出席攝錄機發布會，現場更播放了她親自攝錄女兒的生活片段。早前她表示月事未有如期來臨懷疑有了身孕，昨日追問她進展時，她說：「食詐胡呀，今朝剛剛嚟咗。（失望？）再等吓囉，要抱平常心啦，其實都有心理準備再要小朋友，但唔可以太大壓力，隨緣啦。」
徐淑敏表示老公得知食詐胡後「哦」了一聲，而奶奶則十分開通指遲點再生也冇所謂。對於早前有報道指她餵女兒飲酒，她澄清說：「我只係畀個女聞吓，訓練佢嗅覺，我睇完報道好內疚，仲抑鬱咗成日。賺錢雖然開心，但唔想影響家人。」她表示女兒現在八個月大，飲食方面由奶奶負責，她說：「我連粥仔都未識煲，好放心畀奶奶湊。個女食嘢方面好似佢老竇，食得好急、好惡。」