林欣彤遇爆肚唔識執生
林欣彤（Mag）與胡鴻鈞昨日到海洋公園率先試玩機動遊戲，要唱聖誕歌測試膽量。Mag雖然尖叫聲不斷，但仍勉強過關，反而事前「也文也武」的胡鴻鈞則嚇到冇聲出。Mag玩完後大呼刺激：「我張開眼係分唔到方向囉！」胡鴻鈞則面帶尷尬地稱覺得天旋地轉，緊張至忘了唱歌。
Mag表示寧犧牲私人時間亦堅持兼顧學業及工作，並透露未拍完賀歲片《我愛香港》的戲份：「我聽啲前輩嘅意見，都尚算滿意。（ＮＧ多唔多？）應該唔算多，有場我同陸永一齊拍，佢好有急才咁爆肚。（臨場發揮？）我跟唔到，只識得爆笑，嗰場就有ＮＧ。」