(14)貝安琪細碼泳衣big得太緊
十七位候選佳麗昨日以泳裝示人，由於惠州天氣微涼，僅穿三點式裹身的佳麗均冷得低聲呻吟。其中(14)印尼佳麗貝安琪．比亞齊斯的泳衣top明顯比其他佳麗細件，但因為泳衣太緊，未有助她帶出美感，反而予人感覺像紮糉。
貝安琪．比亞齊斯透過翻譯表示：「件泳衣係細咗啲，參選初段着都啱身，但早輪食得好，肥咗，加上墊咗pad，所以變得好緊。（博老命加好多pad？）Just one！（點解緊又唔換？）大會冇另一套泳衣畀我，負責服裝嘅工作人員又要我加pad。（自評效果靚唔靚？）我覺得舒服囉！」