城城北京過聖誕拒Lynn「速遞」
郭富城前晚與新鴻基地產代理租務總經理馮秀炎為「apm戀戀聖誕之旅」主持亮燈儀式，大會安排四位小朋友分別扮演不同年代的城城，非常可愛。活動上城城勁歌熱舞，因動作太大跳爆私伙西裝褸，他索性脫去外套大晒麒麟臂。他笑言跳爆衫感覺好爽：「我跳舞時聽到『勒勒』聲，都唔理再跳多幾下，大家睇到都覺得好勁。」
今個聖誕要在北京拍攝電影《大鬧天宮》的城城說：「每年聖誕我都會布置屋企，過得好浪漫。」問可想緋聞女友熊黛林（Lynn)「人肉速遞」到北京陪過節？他笑謂：「冇喎！（最想同邊個過？）全香港市民囉！（唔係同Lynn咩？）唔答呢啲啦，唔知喎！（同佢交換禮物？）有時間都會買禮物畀身邊嘅男女朋友，不過拍戲未有時間買。
