黃日華微博再發功友人撐
黃日華繼早前炮轟台慶劇《刑警》不受TVB重視，揚言不去頒獎禮後，他昨在微博上留言自稱是查小欣的fans：「小欣姐，聽你節目就會知道甚麼是公道、正義。超愛死你了！」此外，梁思浩亦在微博上發起「撐黃華行動」，黃日華也有多謝對方。好友苗僑偉（三哥）昨日受訪時也力撐拍檔︰「要公道處理，咁多影迷支持我哋，畀唔畀獎都無所謂，台慶冇安排我哋出嚟宣傳唔公平。（監製指你哋冇期？）冇搵我哋，我開劇都可以搵日華同宣萱，只係出發點冇諗過《刑警》。（梁家樹打畀你解釋？）冇，大家心照，唔使解釋。（去頒獎禮？）未知。」
宣萱亦贊成華哥做法，更指TVB要珍惜用心拍劇嘅演員，並透露三哥和華哥25日將穿熱褲為《刑警》宣傳。無綫外事部副總監曾醒明指《刑警》的宣傳已比其他劇多︰「劇集宣傳早有策略，25日會叫監製邀請藝員出席宣傳活動。」