郭羨妮否認放生電：我仲要嫁人
郭羨妮（Sonija）每次拍劇都會跟劇中男演員傳緋聞，最近又傳搭上「型佬」苗僑偉（三哥）。Sonija昨日對此冷淡回應，幸有三哥夫婦同聲齊撐，為她討回公道！
郭羨妮和苗僑偉最近在新劇《抉宅男女》中飾演夫婦，開拍僅兩個月便傳出緋聞，有指Sonija在拍劇期間向三哥狂放冧功，兩人在戲裏戲外都拖手談情，逼到三嫂戚美珍要不時監場。
三哥派人查
Sonija和三哥昨日分隔兩地開工，Sonija傍晚與鍾嘉欣在旺角拍攝一場外景戲，三哥則返將軍澳電視城拍廠景。對於再惹緋聞，Sonija沒好氣說：「唔回應嘞，單料咁流，唔想幫人哋本書宣傳。」不過Sonija昨日卻在微博宣洩不滿，她說：「對於周刊的故事，我無語。」三哥不避嫌回應：「刑警A Team要出動破案，搵埋科學鑑證去雜誌社搜證……哈哈！當是免費宣傳，不要影響心情，你知、我知、就連三嫂都知埋，一笑置之。」Sonija看到留言立即說：「無錯，最緊要大家知咩事，我仲要嫁人o架！」
見慣風浪的三哥完全沒有被事件影響心情，昨午繼續與三嫂溫馨撐枱腳，他在電話中說：「三嫂冇嬲過，反而擔心累到Sonija，我哋喺戲裏面飾演兩夫妻，但初時同Sonija合作好生疏，佢坦白話同我合作好有壓力，因為過往同男演員合作都有唔好新聞，所以平時都唔敢埋我身。反而係我叫佢唔使擔心，平時開工我會叫埋三嫂嚟食飯，派定心丸畀佢。」
三嫂幫口撐
在旁的三嫂亦透過電話說：「我識咗Sonija十幾年，佢剛出道時幫眼鏡舖做過代言人，覺得呢個女仔斯斯文文又唔出聲，畀人寫到咁好慘。」三嫂還抵死笑三哥最鍾意拖人手，她笑說：「佢連梳頭阿姐都拖o架啦，我拍戲都同男主角拖手，唔通三哥又激到生蝦咁跳咩？」
文：專案組