長做長有的電視劇《靚太唔易做》面臨停拍危機！繼早前菲莉絲蒂夏夫曼宣布退出《靚》劇後，現有傳另一位「靚太」泰莉夏卓爾在拍畢第七季後將辭演的消息。
有指《靚太唔易做》女星泰莉夏卓爾，在拍完本季（第七季）劇集後不再參演，據知情人士說：「泰莉拍完《靚太》之後，即刻會拍下年一月中推出嘅新處境喜劇，佢希望好似卻妮高絲咁，唔拍《老友記》之後，建立自己嘅劇集《熟女鎮》，雖然佢話拍《靚太》時好開心，不過佢想有自己有更多控制權嘅節目。」
有傳兩個主要角色退出，電視台不會開拍第八季的《靚》劇，加上菲莉絲蒂、泰莉及另一「靚太」伊娃朗歌麗亞將於本季劇集後約滿，令《靚》會否再開拍添上變數。有《靚》劇的工作人員覺得泰莉過橋抽板，對她非常失望，而電視台則指現專心拍攝本季劇集，對其他事不願置評。
剛宣布與籃球員老公柏加離婚的伊娃，前日在一眾「靚太」支持下復拍《靚》劇，工作人員更盡力保護伊娃，希望拍攝順利完成。不過有人擔心於右手手腕紋上結婚紀念日及於後頸紋上柏加波衫號碼的伊娃，看見紋身會勾起傷心事。此外，伊娃三年前與柏加情婦Erin Barry一同睇波的照片曝光，相中二人有講有笑！據伊娃朋友指，雖然柏加背妻偷食，不過伊娃仍希望柏加生活安好，亦覺得柏加是個好人，只想平靜地辦離婚。
文：外娛組