陳偉霆夏文汐谷戲互啜慶生辰
陳偉霆（William）昨日25歲生日，前晚出席新片《出軌的女人》煞科宴，與同是十一月生日的夏文汐齊齊慶生，兩人互送禮物又互flirt（調情），落力為新片造勢。
壽星仔William送上頸鏈賀夏文汐生日，並即場為她戴上，他說：「我送頸鏈同埋性感晚裝畀夏文汐做生日禮物，係低V，不過個V開喺前面定後面就唔講嘞！我好希望遲啲套戲參加影展，佢可以着住嚟同我行紅地氈。夏文汐之前已經送咗個電話號碼畀我做生日禮物，尾數係我生日日期1121，我一定會用。」
夏文汐則盛讚William：「佢好靚仔，有魅力又有男人味，有機會我一定會着佢送嗰件晚裝畀佢睇，今次合作真係好開心，佢連我咩size都知，期待開續集可以再合作。」
吳家麗拒吻有因
同場的吳家麗則稱拒與William錫錫有苦衷，她說：「我唔知人哋女友介唔介意，如果我有男友係演員，我都好難控制到唔會酸溜溜！所以最好唔好（錫錫），費事誤會。」
文：影視組